Como tolos años, entamamos a trabayar pal magüestu. Esti ya ye'l MAGÜESTU 2015.
Tres del alderique de qué sabemos; pa nun andar repitiéndomos, qué queremos saber, porque igual se mos escaeció; y qué vamos facer, entamamos a iguar la programaición y les xeres.
Como esti cursu tenemos poques sesiones, entamamos preparando'l Pregón los escolinos y escolines de sestu. Tamién la decoración del cole, qu'esti añu ta rellacionada col tema "¿A qué xugabes güeli? y dalgo de trabayu más, que vamos dir amosándovos.
Pa entamar y alcordamos de qué ye'l magüestu, equí vos dexo la definición que mos da l'ALLA (Diccionariu de l'Academia de la Llingua Asturiana). Calca equí.
Tamién unos enllaces pa repasar de la que tamos entreteníos.
Una sopa lletres pa primeru, segundu y terceru. Coses del magüestu.
Coses del magüestu
Y otra pal restu con menos gabites.
Coses del magüestu
A ver qué tal vos sal.
Tamién unes xeres de Puertu Asturies alrodiu'l tema LA SERONDA. Calca equí.
